(VÍDEO) Esta é Hydn, a galega que aspira a superar a Tanxugueiras e asaltar Eurovisión o próximo ano

A cantante galega Hydn situouse entre os 12 artistas favoritos para representar a España no festival de Eurovisión 2023, segundo unha sondaxe elaborada polo portal especializado Eurovisión Spain.


|

Segundo a última sondaxe elaborada por Eurovisión Spain, a artista galega está entre os 12 favoritos a representar a España na próxima edición. 

 

O seu 'Drowning Fire' é o seu último éxito. Con este tema preséntase ao gran público e espera seguir a senda marcada por Tanxugueiras, apeadas con polémica na final do Benidorm Fest da cita continental.

 

A galega Hydn, entre os 12 favoritos para representar a España en Eurovisión, segundo unha sondaxe.
Hydn | Foto: EP

 

A cantante galega Hydn situouse entre os 12 artistas favoritos para representar a España no festival de Eurovisión 2023, segundo unha sondaxe elaborada polo portal especializado Eurovisión Spain.

Por iso, a galega prepara xa o seu camiño cara ao Benidorm Fest tras quedar de segunda no voto dos socios de Eurovisión Spain e undécima na súa popular enquisa anual.

En concreto, con máis de 730 propostas, Hydn coouse entre os 100 artistas da Elección Interna, situándose no 'Top 12' de favoritos nas votacións diarias e acabando de finalista no posto 11, por detrás de artistas como María José Llergo, Ana Mena, Guitarricadelafuente, A Casa Azul, María Peláe, Lola Índigo, Megara, Bulego, Julieta ou Ptazeta, e por diante de Neomak, que pechou o 'Top 12'.

 

"É SURREALISTA"

"É totalmente surrealista que unha artista tan emerxente como eu, autoxestionada e autofinanciada, chegada ata aquí entre tantos artistas e tan coñecidos", subliñou a propia Hydn, segundo recolle nun comunicado.
 


Neste sentido, agradeceu o "incrible" apoio recibido. "Descubriume unha chea de xente e grazas a eles cada vez vexo máis posible poder chegar ao festival", reivindicou.

Por iso, xa prepara a canción que quere presentar o Benidorm Fest, festival no que España elixe representante, polo que asegurou que quizá envíe dúas propostas de diferentes xéneros.

Hydn é unha artista galega que utiliza o inglés e o galego nas súas cancións co obxectivo de chegar a xente que "non sabe nin da existencia do galego".

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE