Catro policías feridos tras batalla campal o desaloxo do Ginger, un local de Matrogrande, A Coruña (vídeos)

Na madrugada do sábado ao domingo, un operativo policial nun coñecido local de lecer nocturno de Matogrande, A Coruña, saldouse con catro axentes feridos e cinco persoas detidas por resistencia á autoridade.

O incidente ocorreu entre as 5:00 e as 6:00 horas, cando a Policía Local acudiu ao establecemento por exceder o horario de peche e o aforamento permitido. Ao tentar desaloxar o local, algúns asistentes enfrontáronse aos axentes, resultando nunha confrontación que deixou a catro policías con lesións leves. Os feridos foron atendidos polos servizos sanitarios debido a contusións e golpes sufridos durante o altercado.

Veciños denuncian irregularidades

O local, anteriormente coñecido como Noll e agora chamado Ginger, foi obxecto de múltiples queixas veciñais por incumprimentos reiterados das normativas de horario e aforamento. 

A Asociación de Vecinos de Matogrande manifestou a súa preocupación polos problemas que este establecemento xera semanalmente, incluíndo ruídos e desordes. Elevaron as súas queixas á Policía Local, a concellaría de seguridade cidadá e ao propio concello, buscando unha solución á problemática.

Este suceso reavivou as queixas dos veciños de Matogrande, quen levan tempo denunciando os problemas ocasionados polo local. "Xa expuxemos moitas queixas sobre ese after, tanto á Policía Local como á concellaría de seguridade cidadá e ao propio concello", afirmou a Asociación de Vecinos de Matogrande. Segundo informaron, o local incumpre recurrentemente as normativas de peche e aforamento, o que xera malestar na veciñanza.

Durante a intervención policial, cinco persoas foron detidas e acúsaselles de resistencia á autoridade. Esta operativo forma parte dos controis preventivos que a Policía Local realiza habitualmente en locais de lecer nocturno da cidade para garantir o cumprimento das normativas vixentes.