A alcaldesa da Coruña modifica o seu goberno eliminando as coordinacións de Lage, Neira e Castro
Os coordinadores pasan a liderar unicamente unha concellaría e, ademais, todos os edís serán responsables dun distritito aínda que será Rei a única que coordine os programas que afecten a varias concellarías. A nova estrutura é, por tanto, máis centralizada a nivel de competencias aínda que con máis capiliridad xeográfica.
A rexedora da Coruña, a socialista Inés Rey, anunciou unha reestruturación do goberno local, con cambios que implicarán a supresión dos coordinadores de área, ao cargo dos que estaban os tenentes de alcaldesa José Manuel Lage, Yoya Neira e Gonzalo Castro. Ademais, asignaranse edís de barrio.
Cos cambios introducidos, José Manuel Lage, que até agora tiña tamén Planificación Urbana, estará á fronte da Concellaría de Economía e Planificación Estratéxica.
Como viceportavoz e concelleira de Benestar Social, Participación e Igualdade, estará Nereida Canosa, mentres que Yoya Neira, que até agora tiña esta área, asumirá Medio Ambiente. Gonzalo Castro estará á fronte da concellaría de Cultura e Turismo.
En rolda de prensa, Inés Rey asegurou que esta nova estrutura busca "conseguir unha maior eficiencia e a resolución de problemas" e unha "maior proximidade" aos barrios. Por iso, cada concellaría, ademais das súas competencias de xestión, terá "asignado un distrito", aínda que as competencias de barrio recaian na rexedora. Os proxectos que impliquen a varias áreas serán coordinadas pola alcaldía.
A nova asignación de competencias é a seguinte:
- Concellaría de Economía e Planificación Estratéxica, distrito 8: José Manuel Lage. Portavoz e coordinador de proxectos estratéxicos.
- Concellaría de Benestar Social, Participación e Igualdade, distrito 6: Nereida Canosa. Viceportavoz do goberno.
- Concellaría de Infraestruturas e Mobilidade, distrito 5: Noemi Díaz.
- Concellaría de Medio Ambiente, distrito 1: Yoya Neira.
- Concellaría de Cultura e Turismo, distrito 2: Gonzalo Castro.
- Concellaría de Urbanismo, Rehabilitación e Vivenda, distrito 3: Fran Díaz.
- Concellaría de Deportes, distrito 10: Manuel Vázquez.
- Concellaría de Emprego, Comercio e Mercados, distrito 7: Diana Cabanas.
- Concellaría de Educación e Innovación Tecnolóxica, distrito 9: Juan Ignacio Borrego.
- Concellaría de Seguridade Cidadá e Interior, distrito 4: Montserrat Paz.
"Aínda que as competencias sobre os barrios seguirán estando na alcaldía, a designación dun concelleiro responsable para cada distrito permitiranos ser máis áxiles, mellorar a comunicación coas entidades veciñais e cos propios veciños", argumentou a alcaldesa socialista Inés Rey.
Na súa opinión a reforma maior eficiencia na resolución de problemas e, sobre todo, unha maior proximidade cos barrios
Escribe o teu comentario