Atropelo mortal en Aranga: un coche arroia a un peón desorientado que camiñaba pola beiravía da A-6
Un home morreu na madrugada deste mércores ao ser atropelado cando camiñaba pola beiravía da autovía A-6 ao seu paso polo municipio coruñés de Aranga.
Os feitos ocorreron ao redor das 6:00 horas deste mércores, cando varios particulares alertaron da presenza dun home a pé pola autovía.
Ao chegar as autoridades á zona do aviso, o home xa fora atropelado e nada puideron facer pola súa vida. A vítima non levaba chaleco reflector e outra peza de alta visibilidade.
Un home morreu na madrugada deste mércores ao ser atropelado cando camiñaba pola beiravía da autovía A-6 ao seu paso polo municipio coruñés de Aranga.
Segundo trasladou o CIAE 112 Galicia, a central de emerxencias recibiu varias chamadas ao redor das 06,00 horas nas que alertaban da presenza dun home a pé na autovía. Unha das persoas que contactou co 112 asegurou que o home parecía desorientado.
A central pasou o aviso á Garda Civil de Tráfico, que mobilizou unha dotación até os arredores do punto quilométrico 554, onde fora avistado o home.
Unha vez alí, os axentes descubriron que o home fora atropelado, sen que os profesionais sanitarios de Urxencias Sanitarias 061 puidesen facer nada pola súa vida. A vítima circulaba por unha vía vedada aos peóns e carecía de chaleco reflector ou calquera peza de alta visibilidade.
O suceso obrigou a interromper a circulación de vehículos nun dos carrís da autovía debido á intervención dos servizos de emerxencias.
Escribe o teu comentario