Rescatan a unha persoa atrapada nun cantil de Cabo Ortegal
O home comezara a escalar o cantil e, posteriormente, non era capaz de baixar
Os servizos de emerxencias traballaron durante este mediodía para rescatar a unha persoa atrapada nun cantil de Cabo Ortegal. Segundo informou o 112, o home foi finalmente rescatado en perfecto estado deas saúde.
Os feitos tiveron lugar nun dos cantiis próximos á zona de aparcadoiro do faro de Cabo Ortegal, en Cariño . Ao redor das 12:15 horas, un particular alertou á central de emerxencias de que un home non era capaz de descender dun dos cantiis ao que subira escalando até alcanzar "unha gran altura", indicou. O home non conseguía descender de alí polos seus propios medios.
O servizo solicitou a intervención do Garda Civil e dos Bombeiros do Eume. Estes informaron, ademais ao persoal de Urxencias Sanitarias, a Salvamento Marítimo e ao GES de Ortigueira, por si fose necesaria a súa intervención.
Unha vez no lugar, os axentes da Garda Civil puderon comprobar que a persoa se atopaba en boas condicións e que subira desde o aparcadoiro, polo que se atopaba no lado interior do cantil, que dá á terra.
Escribe o teu comentario