Cortes de tráfico a partir da noite deste domingo na avenida da Deputación, en Arteixo
A Consellería de Infraestruturas informou que se producirán cortes nocturnos a partir das 21:00 horas deste domingo na avenida da Deputación de Arteixo, debido ás obras de ampliación que se están realizando
As obras de ampliación que se están realizando na avenida da Deputación, no polígono de Sabón, no municipio coruñés de Arteixo, provocarán cortes nocturnos no tráfico a partir deste domingo, segundo informou a Consellería de Infraestruturas.
Os traballos de finalización das obras son os responsables destes cortes, que se deben ao estendido da última capa de firme no troncoy na glorietas da actuación. A Consellería explicou sobre as mesmas, que se iniciarán este domingo e prolongaranse ata o luns, 29 de agosto.
O peche da circulación farase efectivo ás 21:00 horas da noite e reabrirase ao tráfico antes das seis da madrugada, con excepción do domingo día 21, que o corte se producirá desde as 20:00 horas.
Isto farase en tres tramos e as empresas dispoñerán de contacto coa dirección de obras para poder facilitar e buscar unha solución alternativa de acceso.
Escribe o teu comentario