​Sete vivendas alagadas ao romper unha tubaxe na rúa

Na zona substituíuse a tubaxe de desaugadoiro, que rompeu ao tapar a gabia.


|

Tuberia


A rotura dunha tubaxe na rúa Asturias de Vigo ocasionou danos por inundacións en varias vivendas, segundo informaron fontes da Policía Local da cidade olívica.


O 092 recibiu a alerta sobre as 18.30 horas do martes, e unha dotación desprazouse ata o número 29 da rúa Asturias, onde se produciu unha rotura dunha tubaxe na vía pública, e estábase alagando unha vivenda.


Ao chegar, os axentes comprobaron que saía gran cantidade de auga dunhas obras no centro da calzada, e unha muller acompañada dunha nena pedía auxilio porque se lles alagaba o domicilio.


Tras avisarlle a Aqualia para que cortase a chave de paso xeral, efectivos de Policía Local e bombeiros colaboraron para achicar a auga da vivenda, onde se produciron importante danos, e trataron de 'salvar' algúns aveños. Ademais, outros veciños presentáronse no lugar informando de que tamén sufriran inundacións, e a Policía contabilizou ata sete vivendas afectadas.


Segundo informaron fontes policiais, na zona estiveran traballando operarios de Aqualia quen explicou que estaban a substituír unha tubaxe de desaugadoiro. Unha vez tapado o buraco, ao utilizar a compactadora neumática, produciuse a rotura da tubaxe.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE