​Folga na recollida de lixo xusto antes do Entroido

|

Basuracamion


O comité de empresa de Ecourense Ute, adxudicataria do servizo de recollida do lixo en Ourense, ratificou este martes a convocatoria dunha folga indefinida desde o día 5 de febreiro ás 6 da mañá.


Nun comunicado, subliñan que a decisión se adoptou tras unha asemblea cos traballadores, que decidiu referendar unha folga que coincidirá co arranque das celebracións do Entroido co apoio do 95 por cento dos asistentes.


"Despois dun ano e medio de negociación, mesmo cun mediador solicitado ao Consello Galego de Relacións Laborais, foinos posible chegar a un acordo entre as partes", recollen, nun comunicado.


Noutra nota, CCOO cualifica de "inmovilista, intransixente e irresponsable" a actitude de Ecourense na mesa de negociación e critica os "incumprimentos" da entidade na prestación deste servizo público.


O comité demanda o incremento do IPC que o Concello lle aplica todos os anos á empresa "en función do que está estipulado nas plicas", desbloquear a conxelación dos pluses "que se arrastra por motivos da crise desde 2012, recuperar o sistema de antigüidades", e outras reivindicacións de carácter social e laboral.


relacionada Unha factura do lixo para que pague máis quen máis residuos xera
relacionada Desconvocada a folga de limpeza viaria e recollida de lixo na Coruña

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress