​As peaxes da AP-9 subirán outra vez para que o tramo entre Vigo e Redondela sexa gratis

|

Rande ponte obrasPonte de Rande coa ampliación rematada.


O Ministerio de Fomento deulle unha resposta favorable á petición da Xunta de Galicia de quitar a peaxe na Autoestrada do Atlántico no tramo entre Vigo e Redondela, segundo informou este martes o secretario de Estado de Infraestrutura, Julio Gómez-Pomar, tras a celebración dunha Comisión Mixta coa Xunta, aínda que adiantou que a gratuidade deste tramo será compensado coa tarifa que se paga por circular no resto da autoestrada.


Fomento acepta liberar o tramo solicitada polo goberno autonómico e negociará coa concesionaria da autoestrada a fórmula para retirar a peaxe. Gómez-Pomar explicou que a intención é que esta medida se sufrague dentro do "financiamento global" da AP-9, polo que a gratuidade entre Redondela e Vigo irá "en relación coas tarifas xerais" que pagan os usuarios.


Ante as preguntas dos xornalistas, o secretario de Estado explicou que a medida se compensará co propio funcionamento da AP-9, "de forma progresiva" e "ao longo dun determinado tempo", subliñou sen explicitar se supoñerá o encarecemento do resto de tramos.


O anuncio de Fomento supón que as peaxes na Autoestrada do Atlántico encareceranse aínda máis do previsto, despois da subida aplicada xa a principios de 2018, correspondente ao IPC (1,91 por cento). Ao longo do ano está previsto que se apliquen progresivamente os incrementos previstos como compensación polas obras de ampliación (en Rande e en Santiago) e polas bonificacións entre Vigo e Pontevedra, que significan outro 1,9 por cento adicional, ao que habería que sumar a compensación que se pacte pola supresión da peaxe de Redondela.


A XUNTA, SATISFEITA


A conselleira de Infraestruturas da Xunta, Ethel Vázquez, valorou positivamente esta comisión mixta ao entender que lle dá "voz propia" á comunidade en asuntos "importantes" que están especialmente "pegados a territorios". Para Vázquez o importante é "liberar a peaxe" neste tramo da AP-9 e espera que se busque a fórmula "máis viable".


"Queremos unha fórmula viable que os usuarios non paguen esa peaxe nunha comarca tan competitiva", asegurou, dando a benvida a que Fomento se comprometa a buscar unha alternativa para atender a demanda dos veciños de Chapela e Vigo.


relacionada ​Nova manifestación para que se suprima a peaxe da AP-9 en Rendondela
relacionada A oposición censura que Rande teña "a vía de servizo máis cara do mundo"
relacionada Rajoy continúa a súa xira de inauguracións na AP-9 entre berros de "estafa"
relacionada As peaxes da AP-9 subirán en dúas metades e non de golpe desde o 1 de xaneiro

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress