O hospital HM Vigo mellora a súa unidade de Cirurxía con dous novos especialistas

O hospital HM Vigo reforzou a súa unidade de Cirurxía coa incorporación dos doutores Vicenzo Vigorita e Francisco García Lorenzo, especialistas en cirurxía laparoscópica minimamente invasiva, que se unen ao equipo dirixido por Pedro Gil.

O coordinador da unidade de Cirurxía, Pedro Gil, especializouse, ao longo da súa carreira, en cirurxía endocrina, e cos novos cirurxiáns, o seu equipo poderá prestar servizos especializados no tratamento de patoloxías intraabdominales, grazas á cirurxía laparoscópica minimamente invasiva. O reforzo deste equipo permite, ademais de ofrecer unha asistencia máis completa, manter uns estándares de calidade altos. 

Segundo informou o grupo HM Hospitais, o seu centro de Vigo continúa en pleno proceso de renovación e modernización, e amplía a súa carteira de servizos co obxectivo de converterse nun "centro cirúrxico de referencia en Galicia".

Este hospital, doutra banda, xa se renovou a área de reanimación post cirúrxica. O centro prevé seguir ampliando a súa oferta asistencial, que se complementa co Policlínico HM Vigo, e contar con servizo de Urxencias as 24 horas, ademais de sala de endoscopias con instalacións renovadas.