​Premiada unha investigación da USC que fabrica arterias artificiais

María Aymerich. Foto: RAGC

A Real Academia Galega de Ciencias (RAGC) premiou unha investigación que describe un sistema de fabricación capaz de replicar vasos sanguíneos e arterias artificiais para analizar enfermidades cardiovasculares e tumorales en laboratorio.

Ademais, tamén recoñeceu un innovador método de refrixeración baseado en novos materiais sólidos que supón unha alternativa máis eficiente e menos contaminante aos fluídos utilizados na actualidade en neveiras e conxeladores.

En concreto, a física María Aymerich, do departamento de Física Aplicada da Universidade de Santiago de Compostela (USC) foi galardoada con 2.000 euros na categoría de investigadores novos polo seu método de fabricación rápido e económico de dispositivos que simulan vasos sanguíneos para o estudo 'in vitro' de patoloxías cardiovasculares ou tumorais.

Pola súa banda, o equipo galardoado co Premio de Investigación, outorgado a científicos senior e que consta de 6.000 euros, integra a químicos e enxeñeiros da Universidade da Coruña (UDC). Liderado por María Antonia Señarís, está formado por Juan Manuel Bermúdez, Manuel Sánchez, Socorro Castro, Jorge José López e Ramón Pedro Artiaga.

Baixo o nome 'Novo frío', os autores abren novas vías para a refrixeración. En concreto, botan man de materiais sólidos innovadores para presentar a súa alternativa de tecnoloxía de refrixeración máis económica, sustentable e enerxeticamente eficiente.