Gas Natural e os hostaleiros coruñeses prolongan o seu convenio

A hostalería beneficiarase deste acordo.

Héctor Cañete, presidente da Asociación Provincial de Empresarios de Hostalería da Coruña, e José Antonio Sánchez, delegado de Vendas e Operacións en Galicia-Asturias de Gas Natural Fenosa, renovaron o convenio de colaboración entre os hostaleiros coruñeses e a compañía eléctrica para mellorar a eficiencia enerxética nestes establecementos.

O acordo ten como obxectivo ofrecer asesoramento ás máis de 1.200 empresas hostaleiras asociadas da provincia da Coruña "sobre as distintas solucións enerxéticas destinadas a mellorar a eficiencia enerxética coa tecnoloxía máis avanzada e a mellor xestión".

Por medio da filial da empresa, Gas Natural Servizos, Fenosa asesorará a todos os asociados en materia de subministración enerxética, eficiencia enerxética, climatización, mobilidade e iluminación para que os seus negocios conten coas mellores prestacións e todas as vantaxes que ofrece a compañía eléctrica.