Levántase o veto ás queimas agrícolas en Galicia desde este xoves
Mañá, día 28 de novembro, xa se poderán solicitar permisos para a súa realización
A partir deste martes, 28 de novembro, poderán solicitarse de novo permisos para facer queimas forestais e agrícolas, aínda que o primeiro día para realizalas -unha vez comunicadas- será o xoves, 30 de novembro. Así termina o período de prohibición de queimas en Galicia, iniciado a finais de xuño deste ano polo alto risco de incendios existente na comunidade autónoma.
De feito, a diminución do perigo de incendio forestal por condicións meteorolóxicas foi o principal motivo polo que se levantou o veto de queimas agrícolas, segundo confirmou a Consellería do Medio Rural.
A partir de mañá poderase solicitar autorización a través do teléfono 012 do centro de atención a cidadáns da Xunta, con dous días de antelación á propia queima forestal. Con todo, a Xunta lembra que estas accións só son realizables en zonas determinadas por lei, e que a autorización queda invalidada en días de vento ou de altas temperaturas.
O Delgado do Goberno en Galicia afirma que é unha das comunidades “máis seguras”
Outra vez volveron iniciarse incendios forestais xusto antes dun temporal de vento
Escribe o teu comentario