Gonzalo Caballero reclama deixar atrás "o modelo de baronías" nas primarias provinciais
O líder do PSdeG lembra que a militancia socialista votou a favor de abrir "un tempo novo".
O líder do PSdeG, Gonzalo Caballero, lembrou que os socialistas optaron, tanto nas primarias galegas coma a nivel federal, por deixar atrás "o modelo de baronías" e apostar polo "cambio" a través da "militancia de base".
Así se pronunciou o secretario xeral cuestionado este sábado sobre os procesos de elección de líderes provinciais. Neste sentido, valorou "o paso á fronte" dado polos precandidatos, á vez que comentou que a función do partido é garantir "a igualdade de oportunidades".
Deste xeito, indicou que a militancia deixou "na historia" o modelo de baronías para abrir "un novo tempo en Galicia, do mesmo xeito que no Estado".
Así mesmo, manifestou que o PSdeG traballa para implementar en Galicia un modelo de "comarcas" semellante ao xa existente noutras federacións do Partido Socialista.
Os catro liderados provinciais do PSdeG decidiranse entre 16 aspirantes
Formoso confirma contactos con outros aspirantes para unificar as candidaturas
Gonzalo Caballero asume con "vertixe" a "responsabilidade enorme" á fronte do PSdeG
Escribe o teu comentario