López Orozco arremete contra os "cinco longos anos" de "calvario" polo caso Pokémon

A instrución interminable por parte de Pilar de Lara do caso Pokémon desborda a paciencia daquelas persoas sinaladas pola xuíza, á espera de que tal procedemento se achegue sequera á súa fin.

É o caso do ex alcalde de Lugo, José López Orozco, cuxa imputación deu comezo a unha causa sinalada ata por parte dos seus colegas polas formas de actuar da maxistrada.

Aínda que o ex rexedor socialista mantén silencio sobre o seu caso, cando segue investigado cinco anos despois, este mércores desafogouse nas redes sociais.

Orozco reprocha os "cinco longos anos" de "calvario", tras os que "todo segue igual". E cuestiona se "é esta a Xustiza democrática?".

As súas palabras tiveron tal repercusión que Orozco publicou outro "complemento", onde se pode ler: "Entón, o xuíz respondeu: Palabras e comentarios simples poden destruír o honra dunha persoa ata o punto de que xa non poida recobrala".