Instalarase unha rede de videovixilancia naquelas parroquias de maior risco incendiario
Serán un total de 34 cámaras de seguridade, cuxo funcionamento se iniciará a partir de maio de 2018
A Xunta de Galicia pretende instalar unha rede dixital de videovixilancia naquelas zonas e parroquias de alta actividade incendiaria, co fin de mellorar as políticas de prevención de incendios. Espérase que o proxecto estea en funcionamento a partir de maio de 2018 cun total de 34 cámaras de seguridade na súa primeira fase.
O presidente da Xunta, Alberto Núñez Feijoo, indicou que o conxunto de cámaras cubrirá o 48% do territorio e as 73 parroquias nas que exista maior perigo por incendios. O sistema permitirá unha vixilanza 24 horas dos montes en tempo real, así como a xeolocalización do punto exacto que e esté observando. Doutra banda, Feijoo expuxo as 12 medidas que Medio Rural presentou esta semana á Federación Galega de Municipios e Provincias, e que teñen como obxectivo axilizar a limpeza de leiras abandonadas e habilitar a súa expropiación e intervención directa sen orde xudicial.
Ademais, os costes de extinción poderán ser repercutidos a aqueles propietarios que incumpran a súa obriga de manter limpo o monte, que manteñan abandoadas e sen limpar as súas parcelas ou que ignoren as distanciás mínimas establecidas pola Lei de montes.
A crítica de a oposición socialista en Pontevedra
A presidenta socialista da Deputación de Pontevedra, Carmela Silva, tachou de "deleznable e inmoral" que o Partido Popular ofreza "o seu contacto directo" coa Xunta para "axilizar" a liña de axudas aberta para reparar os danos de recentes incendios. "Dende cando as axudas públicas se xestionan dende a sede dun partido político?", preguntou.
A mandataria socialista ha criticado que o PP "confunda as institucións onde goberna coa súa organización", tras ser informada por dous alcaldes da provincia pontevedresa de que o Partido Popular estaba "convocando aos veciños con representantes da Xunta de Galicia para axilizar as axudas dos incendios".
O vicepresidente da Xunta de Galicia, Alfonso Rueda, explicou que a reunión celebrada na sede do PP de Nigrán, onde ofreceron o seu "contacto directo" coa Xunta para axilizar consultas de axudas por incendios", prodúcese porque o Concello non lle reclamou á Xunta de Galicia que fixese ningunha reunión informativa. "Por tanto foi o Partido Popular a petición de moitos veciños que había alí como podía ser calquera outro partido", sinalou.
Escribe o teu comentario