O "abandono" do rural, motivo dunha manifestación en Santiago o sábado 18 de novembro

Santiago de Compostela acollerá o vindeiro sábado 18 de novembro a manifestación contra o "abandono do rural" por parte da Xunta. Nela, agricultores e gandeiros de toda a comunidade esixirán ás institucións máis axudas para o sector Agricultores e gandeiros galegos daranse cita na capital compostelá para solicitar máis axudas para o sector e máis cobertura no rural.

A concentración sairá ás 12:00 horas da Alameda e percorrerá diversas rúas do centro da capital de Galicia. Finalizará á entrada da Consellería do Medio Rural, no edificio administrativo de San Caetano. A organización 'Unións Agrarias' busca reivindicar coa macrha "a colección de promesas falsas de axudas coas que o Goberno de Feijóo trata de tapar a falta de sensibilidade cara aos habitantes do rural"

O transporte, a sanidade e a educación son moitas das carencias do rural galego, focalizado principalmente no interior de Galicia. O clima e a vaga de incendios provocou que este fose un ano particularmente duro para os habitantes do rural. Ante isto, censura que Medio Rural activou "unha campaña de anuncios de axudas" que denuncia que en realidade "resultan incobrables en gran medida".