“Vaia escote”, díxolle o alcalde a funcionaria de Tui, segundo o seu testemuño xudicial

O caso de acoso laboral e sexual no Concello de Tui deu hoxe un xiro que pretende situar ao alcalde socialista, Enrique Cabaleiro González, no centro da investigación xudicial. O que arrincou como unha denuncia dunha funcionaria municipal contra o concelleiro de Urbanismo derivou nunha causa máis ampla que, segundo unha resolución do Xulgado de Instrución número 2 de Tui datada o 1 de abril citada polo Mundo, aprecia «posibles indicios de delito de acoso sexual».  

A funcionaria denunciante, técnica do departamento de Urbanismo, describiu ante o xulgado un ambiente de traballo que foi deteriorar de forma progresiva. Segundo o seu relato, o concelleiro Miguel Méndez Moreira illábaa sistematicamente, evitaba calquera trato directo e fiscalizaba a súa actividade diaria mediante chamadas ao seu teléfono persoal Ante esa situación, a traballadora decidiu acudir ao alcalde que prometeu mediar.

Lonxe de mellorar o ambiente, a situación derivou no que a propia denunciante describe como una «encerrona». «A actitude do alcalde foi de ir en manda, todos a por min», afirmou. O seu relato é que ra reunión, convocada formalmente para tratar a organización interna do departamento, terminou centrada en expedientes con irregularidades atribuídas a outros técnicos que se lle imputaron a ela. «Dicían que eu tiña que corrixir os seus erros», explicou.

O Xulgado de Instrución número 2 de Tui xa citara a Miguel Méndez Moreira en calidade de investigado —a figura que antes se coñecía como imputado— para declarar o próximo 5 de maio. Tamén deberán comparecer como testemuñas a edil de Patrimonio, Ana María Núñez, e o arquitecto municipal, Javier Antoñón. A causa atópase en fase de instrución, e corresponderá ao xuíz decidir si arquívaa ou si finalmente eleva o caso a xuízo.

Mensaxes do alcalde  no xulgado

O salto cualitativo do caso chega hoxe coa apertura dunha liña de investigación separada centrada na figura do alcalde. A denunciante asegura dispor de mensaxes do rexedor con contido de carácter sexual que xa achegou como proba ao procedemento. «Eu teño mensaxes do alcalde nos que me di, por exemplo, 'vaia escote'... ese tipo de consideracións, dicindo 'sendo tan guapa, que feixes aquí?'; unha sexualización brutal», declarou ante o xuíz. O xulgado, na súa resolución do 1 de abril, recolleu estes indicios e abriu unha vía de investigación diferenciada, sobre posibles delitos de acoso sexual.

A relevancia política do asunto non se limita ao alcalde. Miguel Méndez é un dos concelleiros con maior peso no goberno local: xestiona as áreas de Economía e Facenda, Urbanismo, Arquitectura Pública, Plan, Espazos Naturais, Lecer e Parque Móbil.  A pesar de coñecer tanto a denuncia como a condición de investigado do seu edil, Cabaleiro optou por manterlle no cargo.

O PP pide o cesamento e o Concello responde cun protocolo

Cando saltaron as acusacións contra o concelleiro, oposición reaccionou. O portavoz municipal do #PP de Tui, Nico Montes, esixiu publicamente ao alcalde que aparte a Méndez das súas funcións de forma temporal ata que a xustiza aclare os feitos. Os populares tamén reclamaron explicacións a Cabaleiro e á concelleira de Igualdade sobre as medidas internas adoptadas desde que se coñeceu a situación do edil investigado.

A resposta do goberno local chegou entón  a través dun comunicado institucional no que o Concello reiterou o seu «máximo respecto» ao procedemento xudicial e á «presunción de inocencia», e anunciou que se atopa na fase final de aprobación dun novo Protocolo de Prevención e Actuación fronte ao Acoso Laboral e Sexual, negociado coa representación sindical. O executivo local tamén lembrou que en decembro de 2025 aprobouse por unanimidade o IV Plan de Igualdade municipal.

Precedente do exalcalde Padín

O goberno local tamén recorreu a un argumento do pasado: sinalar que a funcionaria denunciante é a mesma persoa que en 2019 se querelló contra o entón alcalde, Carlos Padín, nunha causa que finalmente foi arquivada. O propio Cabaleiro engadiu que dous funcionarios que xa declararon no proceso negaron as acusacións da denunciante e que esta ameazoulles despois: «É máis, eles agora denunciárona a ela por coaccións», afirmou o rexedor. A defensa mediante o antecedente xudicial foi interpretada por sectores críticos como un intento de desviar o foco, en lugar de dar resposta ás preguntas concretas sobre a xestión interna do caso.