Orde de afastamento para os propietarios dunha cadela arroxada desde un piso

O Xulgado de Instrución número 1 de Lugo decretou unha orde de afastamento contra os donos dunha cadela á que, supostamente, a parella arroxara ao baleiro desde un piso na rúa Camiño Real de Lugo.

Os donos do can están a ser investigados por delitos de malos tratos animais e teñen unha orde de afastamento dunha distancia mínima de 500 metros da cadela. Os feitos sucederon o 1 de novembro e desde os xulgados téntase esclarecer se a caída do animal foi un accidente ou un acto deliberado.

Á súa vez, o auto xudicial autoriza á Sociedade Protectora de Animais de Lugo á tutelar a custodia do animal, que se atopa á espera de recibir o alta despois de ser operada no Hospital Clínico Veterinario Rof Codina. A presidenta da sociedade protectora, Virginia Torrecillas, confirmou que os informes da clínica veterinaria serán cursados polo xuíz instrutor á vez que destacou a necesidade de dar visibilidade aos malos tratos animais, xa que segundo a organización estas situacións prodúcense con frecuencia.