'La villa', de Robert Guédiguian, abre a nova edición de Cineuropa
O festival Cineuropa cumpre 31 anos.
O festival Cineuropa, que se celebra en Santiago de Compostela, abrie este martes a súa 31ª edición coa proxección de 'La villa', de Robert Guédiguian.
'La villa' transcorre nunha casa dunha pequena baía preto de Marsella onde se reúnen tres irmáns para acompañar a seu pai nos seus últimos días. En palabras do director de Cineuropa, José Luis Losa, "ninguén como Guédiguian para orquestrar a oda crepuscular polo paraíso perdido da conciencia de clase".
Este mesmo xoves tamén se exhibe a gañadora da última Palma de Ouro en Cannes, a provocadora 'The square', do director sueco Robert Ostlund.
O ciclo de 'Novecento: o século das revolucións', unha das últimas obras de Hong Sang-soo ('The day after') e films de culto como 'Nubes de maio', de Nuri Bilge Ceylan, protagonizan, así mesmo, esta xornada do 7 de novembro.
Escribe o teu comentario