Francia e Portugal levan case a metade das exportacións galegas

As exportacións que realiza Galicia fóra de España teñen como destino os países veciños de Francia e Portugal. Segundo datos do Instituto Galego de Estatística (IGE) de 2015, Portugal recibe preto do 40% das exportacións mentres que o 10% restante terminan en Francia.

Concretamente, a Comunidade galega envía o 39,62% aos veciños lusos, mentres que o país francófono recibe o 9,82% das exportacións. Doutra banda, os membros da Unión Económica e Monetaria (UEM) reciben o 3,53% e o 3,07% a países da Unión Europea. Os países da OCDE e os países membros do G-8 pechan o ránking co 1,74% e o 1,69% respectivamente. Xa en menor medida, os países máis desenvolvidos de América (Estados Unidos, Canadá. México e Brasil) reciben o 0,33% das exportacións, mentres que outro 0,15% chega aos países máis desenvolvidos de Asia (Xapón, China, India, Corea do Sur e Indonesia).