Cada ano uns 7.000 galegos sofren novos casos de ictus e a atención rápida é fundamental
Unha mesa informativa lembrou este luns na Coruña os síntomas principais para detectar estes casos.
Galicia rexistra uns 7.000 novos casos de ictus cada ano, segundo informa a Xerencia de Xestión Integrada da Coruña con motivo da celebración este luns de unha mesa informativa onde profesionais sanitarios deron información sobre esta doenza ás persoas interesadas.
O ictus está incluído no Plan de Prioridades da Consellería de Sanidade por ser, segundo explica a Xerencia, "unha das causas de mortalidade na comunidade autónoma, unha das patoloxías que causa máis anos de esperanza de vida perdidos e unha das doenzas que ocasiona máis perdas de anos de vida axustados pola discapacidade".
Coincidindo co día mundial desta doenza, a Xerencia de Xestión Integrada da Coruña lembra cando unha persoa sofre algún dos síntomas do ictus debe chamar, el ou outra persoa, ao 061.
Tamén precisa que os principais síntomas son "non ser capaz de dicir correctamente palabras simples, non poder elevar os brazos á mesma altura e non mostrar todos os dentes ao sorrir".
Escribe o teu comentario