Seis días para que os donos se fagan cargo de dous edificios en ruínas

O Concello empraza de urxencia a tomar medidas de seguridade en dous inmobles que a pasada fin de semana se incendiaron.


|

EdificiosruinasvigoAo fondo, os edificios en ruínas.

A xerencia de Urbanismo do Concello de Vigo aprobou este mércores as resolucións para instar os propietarios dos edificios situados nos números 38 e 40 de López de Neira a adoptar medidas urxentes de seguridade, para o que lles dá un prazo de seis días.


Así o confirmou o alcalde, Abel Caballero, en declaracións aos medios, e explicou que os donos dos inmobles, que están en situación de ruína e que a pasada fin de semana resultaron afectados por senllos incendios, deben "actualizar" as medidas de seguridade que xa tiñan.


Ademais de limpar as parcelas e establecer mecanismos para evitar o paso da auga aparcelas anexas, deberán tapiar portas e xanelas, desmontar aqueles elementos que estean en risco de caída inminente, limpar e valar as parcelas, e colocar marquesiñas metálicas.


Segundo explicou o rexedor, se os propietarios dos edificios non acceden a realizar esas obras, enfróntanse a multas coercitivas que poden chegar aos 10.000 euros trimestrais, ademais de arriscarse a que sexa o Concello o que realice os traballos e logo teñan que pagalos.


relacionada A Xunta traballa nunha lei que permitirá a expropiación de edificios abandonados

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE