O "demonizado" artigo 155, unha arma que xa non se descarta aplicar
O PSOE non contempla agora a opción como unha liña vermella e o PP celébrao. Protección de Datos investiga de onde sacan os independentistas o censo.
Placa en homenaxe á constitución, en Ribadavia.
O PSOE xa non contempla como unha liña vermella para seguir apoiando o Goberno a aplicación do artigo 155 da Constitución en Cataluña aínda que recoñece que "non sería desexable". "Non sabemos as circunstancias que se van producir. Á luz desas circunstancias tomaremos unha decisión" respecto diso, expresou o portavoz da Executiva Federal, Óscar Puente.
Un cambio de postura, a de non criticar ningunha das medidas por responsabilidade de Estado, que celebran desde o PP. Pablo Casado, saudou este luns que o PSOE xa non "demonice" o artigo 155 da Constitución porque, ao seu xuízo, "non é bo desarmarse preventivamente" ante un desafío deste "calibre".
Mentres, a Axencia Española de Protección de Datos (AEPD) abriu actuacións previas de investigación ante o posible acceso ilícito a bases de datos estatais para a creación do censo electoral para o referendo tras recibir unha denuncia dun cidadán.
Neste sentido, o PSC recomendou aos cidadáns que denuncien ante a xustiza o uso dos seus datos persoais para a celebración do referendo do 1 de outubro e os seus preparativos, como a constitución do censo e o sorteo das mesas electorais.
Escribe o teu comentario