España cae ás portas da final cun baño de Eslovenia
72-92. A selección non soubo como frear ao seu opoñente e un terceiro cuarto pésimo desbaratou calquera opción de vitoria.
España terá que conformarse con loitar polo bronce no Eurobasket, tas verse superada por Eslovenia na semifinal deste xoves, que perdeu por 72-92.
España non tivo o día, nin desde o tiro exterior nin na pintura cun Vidmar defendendo con intelixencia e carácter a Pau Gasol. Prepelic, Dragic, Randolph e un excelso Doncic xogaron un gran partido e destronaron ao campión.
O primeiro cuarto demostrou o pouco acerto dos de Scariolo, que terminaron con 0 de 6 en triplos, polos 6 de 8 de Eslovenia. E ao descanso, España chegou con 4 puntos abaixo.
O terceiro cuarto terminou por rematar á selección española mentres Eslovenia crecía en defensa de forma directamente proporcional ao seu acerto en ataque. Doncic manexaba a situación e España meteuse nun colapso ofensivo e con só 12 puntos anotados nun cuarto complicouse o partido.
Sen ser capaz de recortar a distancia no que quedaba de partido, as caras do banco español do último cuarto reflectían a decepción augurando a derrota que se ía facendo máis clara a cada minuto.
España reafirma ante a República Checa o bo arranque do Eurobasket
España gaña o quinto partido do Eurobasket e Pau Gasol fai historia
Escribe o teu comentario