A nova selectividade de setembro estréase cun texto sobre Trump
Máis de 2.100 estudantes matriculáronse para esta convocatoria da ABAU, co curso universitario xa empezado.
A proba de acceso á Universidade chámase ABAU.
As convocatoria de setembro da nova selectividade, a ABAU, deu comezo en Galicia este mesmo martes, á que se presentaron centos de alumnos de toda Galicia como vía para acceder aos estudos superiores.
A xornada arrincaba coa proba de Lingua e Literatura II. Un exame no que os aspirantes atoparon as clásicas dúas opcións cun texto diferente en cada unha para analizar, ademais de diversos exercicios de ortografía, gramática ou vocabulario.
Na primeira delas, incluíase un artigo de Julio Lamazares versado na figura de Donald Trump, o polémico e actual presidente dos Estados Unidos.
A versión alternativa do exame presentaba un texto de Alba Precedo no que reflexionaba sobre a amizade e a influencia das redes sociais nas relacións interpersoais.
MÁIS DE 2.000 ASPIRANTES
Na presente convocatoria da ABAU, matriculáronse 2.117 estudantes. En concreto, 1.500 preséntanse en fase obrigatoria.
As probas rematan este xoves.
Escribe o teu comentario