Case 400 prazas este ano no programa Esfuerza, de La Caixa e a Fundación Jove

Imaxe doutra edición do programa.

A Fundación María José Jove e a Obra Social La Caixa abriron este venres, e ata o 8 de setembro, o prazo de inscrición do programa Esfuerza Inverno, que ofrece 392 prazas, para participar nos cursos de vela, piragüismo inclusivo, fitness e natación. Ademais, este ano incorpora como actividade anual sendeirismo inclusivo con 12 rutas.

Esfuerza é un programa de actividade física adaptada orientado a persoas con diversidade funcional. A iniciativa desenvolverase do 3 de outubro ao 10 de xuño coa seguinte distribución de prazas segundo a modalidade: 240 prazas para sendeirismo; 62, para natación; 36, para ver; 30, para fitness e 24, para piragüismo.

Os cursos de vela, piragüismo, natación e fitness diríxense a adultos, mozos e nenos maiores de 8 anos cun grao de discapacidade superior ao 33%. No caso de piragüismo inclusivo amplíase tamén a persoas sen diversidade funcional maiores de 16 anos que saiban nadar.

A de sendeirismo é para adultos, mozos e nenos a partir de 8 anos con diversidade funcional que sexan autónomos e que participen cun adulto ao seu cargo e persoas sen diversidade funcional a partir de 12 anos.