O Celta confirma a venda de Pape Cheikh ao Olympique de Lyon
É o xogador máis caro que traspasa o club vigués na súa historia, por unha cantidade que pode chegar a 14 millóns.
Pape posa coa súa nova camiseta.
Pape Cheikh xa é oficialmente novo xogador do Olympique de Lyon. Esta mañá o Celta anunciou o traspaso, que se converte na venda máis cara da historia do club vigués.
Nun comunicado, a entidade celeste lembra a súa chegada como xuvenil e o seu pase ao primeiro equipo, onde con Berizzo "a pasada campaña participou en 16 encontros de Liga".
"O Real Club Celta quere expresarlle a Pape o seu máis sincero agradecemento polo seu exemplar comportamento, profesionalidade e entrega durante a súa etapa tanto nas categorías inferiores coma no primeiro equipo e desexarlle un rotundo éxito na súa nova andaina no fútbol francés".
O acordo, segundo distintos medios, pechouse por unha cantidade que pode chegar a os 14 millóns de euros, divididos en 10 máis 4 en variables. O de Santi Mina pechouse en 10 millóns.
O xogador xa pousou para as redes sociais coa camiseta do seu novo equipo.
Pape regresará nos próximos días a Vigo para "despedirse da afección celeste".
O Tottenham e o Celta negocian o traspaso de Pape Cheikh
Escribe o teu comentario