Identificadas todas as vícimtas mortais dos dous atentados, que se elevan a 15

Recordo ás vítimas na Rambla.

A Generalitat identificou as 15 vítimas mortais dos atentados terroristas do xoves en Barcelona e Cambrils, informou o conselleiro de Xustiza, Carles Mundó, este luns en rolda de prensa.

Das 15 vítimas mortais sete son mulleres e oito son homes, dous deles nenos; seis teñen a nacionalidade española, dúas son portuguesas, tres son italianas, unha é estadounidense, outra canadense, outra belga e unha ten a dobre nacionalidade canadense e británica.

Cinco das seis vítimas mortais de nacionalidade española residían en Cataluña: dúass vivían en Rubí (Barcelona), unha en Vilafranca do Penedès (Barcelona), outra en Sant Hipòlit de Voltregà (Barcelona) e outra en Barcelona; mentres que a restante residía en Zaragoza.

Os ataques saldáronse cun total de 13 vítimas mortais na Rambla e unha en Cambrils, á que se sumou o mozo de Vilafranca falecido na Diagonal vítima dunha agresión con arma branca por parte do fuxido Younes Abouyaaqoub.

Nove dos 15 corpos xa foron entregados ás familias e o resto dos cadáveres puxéronse a disposición dos consulados e embaixadas e no Instituto de Medicina Legal.