Localizan a unha muller de Verín que non entregou ás súas fillas ao pai, condenado por malos tratos

A custodia legal provisional corresponde ao pai.

Unha nai sobre a que pesaba unha denuncia por suposto delito de subtracción de menores interposta no xogado de instrución número uno de Verín foi localizada.

Segundo informaron a Europa Press fontes do Tribunal Superior de Xustiza de Galicia (TSXG), a localización produciuse hai algúns días despois de que o caso fose posto en coñecemento das autoridades da localidade ourensá.

Tras iso, o xulgado de Verín continúa investigando a esta muller pola suposta comisión dun delito de subtracción de menores relacionada coas súas dúas fillas residentes no País Vasco.

Segundo informa La Región, os dous membros da parella presentaran denuncias por malos tratos e ambos foron condenados, pero a muller recorreu a sentenza e foi absolta en segunda instancia, e o home foi condenado a un ano e catro meses de afastamento, prazo que finaliza en setembro.

Tamén apunta que a custodia legal provisional corresponde ao pai actualmente.

Xa se levaron a cabo todos os trámites e que xa está confirmado o día e a hora na que as menores, residentes no País Vasco, serán entregadas á familia do pai.

Así mesmo, acordáronse coa muller as condicións e, tras estar no xulgado da localidade ourensá, esta é coñecedora de como se vai proceder.