O conflito dos autobuses desatáscase na provincia de Ourense
Os sindicatos e as patronais chegaron a un acordo para subir os soldos, a pesar de posicións previas moi distantes.
Pactan unha subida de soldo dun 2,6%.
As negociacións provinciais do convenio de transporte de pasaxeiros por estrada deron froitos en Ourense. Tal e como informa La Región, sindicatos e patronais chegaron a un acordo de subida salarial, a pesar de que as posicións de partida eran moi distantes.
Nun contexto marcado pola posta en marcha da primeira fase do plan de transporte da Xunta e a inestabilidade ao redor das liñas do rural, ambas as partes sentaron á primeira hora da mañá para tratar de avanzar.
Segundo o diario ourensán, o punto de encontro alcanzouse no 2,6% de aumento en todos os conceptos salariais do convenio vixente e asínano UGT e CCOO e as asociacións empresariais Asociación Provincial de Viaxeiros por Estrada de Ourense, ORENCAR e FEGABUS.
O principio de acordo a nivel autonómico, que freou a posibilidade dunha folga indefinida, establecía este incremento en, como mínimo, o 2%.
As empresas de autobuses auguran o "fracaso" do plan da Xunta
Suspendida a folga de autobuses ao alcanzar un principio de acordo salarial
Adxudicadas as primeiras 27 concesións do novo plan de transporte
As adxudicacións do transporte resolveranse coas "peores relacións imaxinables entre Xunta e sector"
Escribe o teu comentario