As exportacións de conservas crecen este ano cun ritmo de dobres díxitos

Crecen en volume e prezo.

As exportacións españolas de conservas, semiconservas e preparados de peixes e mariscos superaron no primeiros cinco meses deste ano as 83.000 toneladas por un valor de máis de 378 millóns de euros, co que aumentaron case un 13 por cento en volume e un 21 por cento en valor respecto ao mesmo período de 2016.

Así o comunicou a Asociación Nacional de Fabricantes de Conservas de Peixes e Mariscos (Anfaco-Cecopesca), que indicou que España "é unha referencia mundial na produción e comercialización de peixes e mariscos, por case 3.500 millóns de euros"; un marco no que remarcou que as conservas "se han convertido nun referente".

Por produtos comercializados, destaca o atún, cun volume exportado ata maio de máis de 40.000 toneladas por valor de 244 millóns, ao que lle seguen a sepia e a lura, mexillón, sardiña, caballa e anchoa. No relativo ao destino das exportacións, sitúanse á cabeza os países da Unión Europea, aínda que hai presenza das conservas españolas en todos os continentes.

Finalmente, Anfaco, que puxo en valor a aposta do sector pola internacionalización e a I+D+i, destacou que nos cinco primeiros meses de 2017 o sector incrementou as súas vendas no exterior, e espérase que as exportacións cheguen a cubrir o 50 por cento da produción.