O Supremo noruegués cala sobre as pensións dos mariñeiros galegos
A pesar de que en abril se celebrou o xuízo, o tribunal rexeita agora decidir sobre a demanda presentada pola asociación Long Hope.
A asociación Long Hope, nunha das súas protestas.
A Corte Suprema de Noruega rexeitou decidir sobre a demanda presentada polos antigos mariñeiros que traballaron no país nórdico, xa que entende que antes deben recorrer nos diferentes tribunais de apelación.
Os mariñeiros, agrupados na plataforma Long Hope, reclaman a Noruega as súas pensións tras traballar durante anos en buques mercantes noruegueses sen recibir protección social. O xuízo celebrouse o pasado mes de abril.
Desde a plataforma consideran que a resposta do alto tribunal noruegués só serve para que o Estado nórdico "gañe tempo" e que non afecta o proceso para a reclamación das súas pensións, xa que a intención de Long Hope continúa sendo chegar ao Tribunal Europeo de Dereitos Humanos de Estrasburgo.
Así, en declaracións a Europa Press, o portavoz da plataforma, Alberto Pazos, avanzou que en setembro volverán realizar mobilizacións tanto en Galicia coma en Madrid.
Noruega celebra a festa nacional con protesta dos mariñeiros xubilados
Long Hope cre que o conflito polas pensións de Noruega terminará en Estrasburgo
Noruega recoñece que os mariñeiros galegos pagaban impostos pero négalles as súas pensións
Escribe o teu comentario