Exame semanal a Cataluña para que non gaste un euro no referendo

|

MendezvigopuigdemontO Goberno ameaza con 'pecharlle a billa' á Generalitat.

O Goberno central aprobou este venres un acordo polo que condiciona o pago a Cataluña das partidas do Fondo de Liquidez Autonómica (FLA) a que a Generalitat remita semanalmente unha garantía de que non destina fondos á organización do referendo independentista do 1 de outubro, segundo anunciou o portavoz do Goberno, Íñigo Méndez de Vigo.


Na rolda de prensa posterior ao Consello de Ministros, Méndez de Vigo anunciou este acordo de condicionalidade a proposta do Ministerio de Facenda dirixido por Cristóbal Montoro co obxectivo de "impedir que a Generalitat poida tramitar expedientes de gasto destinados a financiar o referendo ilegal do 1 de outubro".


Segundo lembrou, o TC anulou as partidas do orzamento catalán destinadas ao referendo e, "a pesar diso", responsables das institucións catalás anunciaron a súa vontade de seguir adiante coa súa celebración.


Segundo xustificou, existe "dereito" a "saber que ninguén utiliza ese diñeiro de todos para algo que é soamente a pretensión duns poucos". Trátase dunha medida "preventiva" en favor da "seguridade e benestar" dos cataláns "para garantir que o diñeiro vai onde os cataláns queren que vaia, que é a prestar os servizos públicos esenciais e non un referendo ilegal".


Amplía esta información en Catalunyapress.

relacionada O independentismo desínflase en Cataluña segundo se achega o 1-O
relacionada A Garda Civil entra no Parlamento e na sede do Goberno catalán

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress