Conta atrás para preparar o Xacobeo 2021, "o mellor da historia"
A Xunta inicia os trámites para crear a comisión organizadora que coordinará as distintas administracións para que "ninguén vaia por libre".
Una comisión coordinará el trabajo de todas las administraciones.
O presidente da Xunta anunciou a creación da comisión organizadora para o Xacobeo 2021 co obxectivo de aproveitar os anos que faltan para a cita e lograr que o próximo Ano Santo sexa "o mellor da historia" de Galicia.
Ao termo do Consello da Xunta, o máximo mandatario autonómico explicou que se inician os trámites para que "no menor tempo posible" estea a funcionar este órgano que dará "estabilidade e permanencia" para preparar o Xacobeo traballando "de forma coordinada e conxunta".
En palabras de Feijóo, esta é "unha oportunidade histórica" que é necesario preparar "sen dilación" e, por iso, esta comisión aspira a coordinar o traballo das distintas administracións "para que ninguén vaia por libre". Entre os asuntos para abordar estará, por exemplo, a aprobación do plan estratéxico.
El mesmo presidirá esta comisión, na que participarán outros dirixentes do Goberno autonómico, entre outros membros. Ademais, o alcalde de Santiago ou "quen este designe" será "membro de pleno dereito", como titular da cidade na que desemboca o Camiño.
Escribe o teu comentario