O 20 aniversario do asesintato de Miguel Ángel Blanco enfronta os partidos

|

MiguelangelblancoMiguel Ángel Blanco foi asasinado en 1997.


Cúmprense 20 anos dun dos asasinatos de ETA que máis conmocionaron a sociedade española. Tal día coma hoxe, en 1997, a banda terrorista secuestraba o concelleiro do PP en Ermua Miguel Ángel Blanco.


Os seus captadores tentaron utilizalo para chantaxear o Goberno reclamando o achegamento de presos etarras, aínda que finalmente matárono ao finalizar o prazo de 48 horas que a banda dera para que o Executivo accedese a reagrupar os seus presos.


Morreu a madrugada do 13 de xullo. O seu asasinato provocou un salto cualitativo na mobilización social contra a banda terrorista, co nacemento do chamado 'Espírito de Ermua'.


Hoxe, a polémica chega por parte dos actos de conmemoración e homenaxe, que dividen as formacións políticas españolas.


Mariano Rajoy preside este luns a homenaxe que organiza o PP polo 20 aniversario do secuestro e asasinato do concelleiro 'popular' na sede nacional do PP en Madrid. No acto despregarase unha lona na fachada da sede nacional do PP coa imaxe de Miguel Ángel Blanco e gardarase un minuto de silencio na súa honra.


Mentres, a alcaldesa de Madrid, Manuela Carmena, rexeitou unha solicitude de Movemento contra a Intolerancia para colocar na fachada do Palacio de Cibeles unha pancarta en memoria de Miguel Ángel Blanco e que o Concello convoque unha concentración no XX aniversario do seu asasinato a mans de ETA, o próximo día 13, "porque supoñería destacar unha vítima sobre todas as demais, o que non parece procedente desde o punto de vista institucional".


Así consta nunha carta remitida polo Xefe de Gabinete da Alcaldía, Felipe Llamas, ao presidente de Movemento contra a intolerancia, Esteban Ibarra, quen difundiu un escrito onde responde o Concello que o considera "unha mala decisión na perspectiva de defender a Liberdade e os Dereitos Humanos".


Pola súa banda, Movemento contra a Intolerancia critica ao Concello "por non interpretar a singularidade deste crime de odio terrorista, brutal e terrible". "Mobilizou a toda a sociedade española superando medos, uníndonos nunha dor que nos reforzou falando como unha soa voz e constituíndo a maior resposta cívica que houbo na historia de España contra o terrorismo", lembra.


Ao mesmo tempo, a secretaria xeral do PSE-EE, Idoia Mendia, afirmou que "todas as vítimas do terrorismo, sen distincións, teñen un gran significado político" porque morreron por "defender a democracia". Neste sentido, denunciou, no vixésimo aniversario do secuestro e posterior asasinato de Miguel Ángel Blanco, que "lamentablemente tivemos que ir a moitos funerais neste país", aínda que destacou que "afortunadamente hoxe vivimos noutro tempo".


relacionada ETA evita falar de disolución no seu primeiro comunicado tras o desarme
relacionada ETA: "As armas e explosivos están en mans da sociedade civil"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress