Prisión sen fianza para os cinco detidos en Vigo por intento de secuestro

|

Juzgadopoliciafurgon


O Xulgado de Instrución número uno de Vigo decretou prisión provisional comunicada e sen fianza por senllos delitos de tentativa de secuestro e tenencia ilícita de armas para os cinco homes detidos por tentar supostamente secuestrar un home por unha débeda relacionada co tráfico de drogas.


Así o comunicou o Tribunal Superior de Xustiza de Galicia (TSXG) a última hora da tarde, despois de que os cinco homes, de nacionalidades española, dominicana e colombiana, e idades comprendidas entre os 32 e os 67 anos, fosen postos a disposición xudicial ao longo deste xoves.


Os cinco homes foron detidos pola Policía Nacional o pasado martes, despois de que un home, natural de República Dominicana e nacionalizado en España, chamase á Sala do 091 e alertase de que o tentaban secuestrar por unha débeda que lle reclamaban, relacionada co tráfico de drogas.


Tras a chamada deste individuo, foron localizadas nas inmediacións as cinco persoas que supostamente pretendían secuestralo, quen gardaba en dous vehículos bridas plásticas, luvas de goma, un gorro, ferramentas, un xerador eléctrico portátil, mantas, latas de comida, bebidas, 5.000 euros, unha navalla grande, un puñal e unha pistola semiautomática, entre outros efectos.

relacionada Intento de secuestro en Vigo por unha débeda relacionada coas drogas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress