O Banco de España estima que o PIB creceu un 0,9% no segundo trimestre

|

Consumocompraconsumidor


O Banco de España estima que o PIB creceu un 0,9% no segundo trimestre do ano, unha décima máis que no primeiro e dúas máis que no cuarto trimestre de 2016, grazas ao "maior vigor" do consumo privado.


Así figura no Boletín Económico do organismo supervisor, publicado este xoves e que inclúe o informe trimestral da economía española, no que destaca que o ritmo de avance da actividade "intensificouse ao longo da primeira metade do ano".


O organismo supervisor destaca que a información dispoñible indica que, tras a perda de empuxe observada nos primeiros meses do ano, o consumo privado "recuperou un maior vigor durante a primavera", apoiado na continuación do proceso de xeración de postos de traballo e na prolongación de condicións financeiras favorables.


Ademais, o investimento en construción podería acentuar tamén o ton positivo mostrado no primeiro trimestre, dacordo coa información procedente dos indicadores actuais.


Pola contra, o gasto en bens de equipo moderaría o seu ritmo de avance, tras mostrar un crecemento moi elevado ao comezo do ano.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress