Capturan unha víbora "moi venenosa e perigosa" nunha vivenda de Bembrive
Trátase dun tipo de serpe que non se debe tocar e que non se adoita achar nos montes e campos vigueses.
Axentes da Unidade Ambiental de Intervención Rural (UMIR) da Policía Local de Vigo capturaron unha víbora de Seoane, unha especie de serpe "moi venenosa e perigosa", nunha vivenda de Bembrive, na cidade olívica.
Tal e como informou a Policía Local, sobre as 13,30 horas deste luns os moradores dunha casa situada no Camiño Cerdeiros solicitaron a presenza policial porque localizaran a unha serpe no acceso á vivenda, encima duns fentos.
Os axentes capturaron ao animal a man e devolvérona ao seu hábitat natural. Trátase dunha víbora que non se debe tocar e que non se adoita achar nos montes e campos vigueses, lembrou a Policía Local, que puntualizou que a pesar diso "hai bastantes" exemplares en Galicia e pediu prudencia se se localiza unha.
Un neno de dez anos, ingresado por unha posible mordedura de víbora no seu colexio
Escribe o teu comentario