Volven as choivas este domingo

Na xornada deste domingo Galicia estará nunha área indefinida entre as altas presións en superficie e unha pequena bolsa de aire frío en altura que deixará unha situación atmosférica inestable.

Deste xeito, os ceos estarán pouco nubrados ou despexados durante a mañá, crecendo nubes de evolución a partir do mediodía. Así, poderanse rexistrar chuvascos de carácter tormentoso á tarde, máis probables no interior e que serán localmente fortes no leste das provincias de Lugo e Ourense.

Pola súa banda, o vento soprará frouxo do nordeste, con intervalos de moderado no terzo norte. As temperaturas mínimas estarán sen cambios significativos e as máximas experimentarán un moderado ascenso.