Buscan unha menor de 17 anos desaparecida en Narón
Permanece sen paradoiro coñecido desde este luns, cando o seu pai presentou a denuncia en comisaría.
Unha menor de 17 anos de idade veciña da localidade coruñesa de Narón permanece desaparecida desde o luns, cando pola tarde o pai da moza presentou denuncia en comisaría.
Segundo confirmou a Europa Press fontes policiais, o pai da menor desaparecida, Nerea Vila, de 17 anos, presentou na tarde do luns na Comisaría da Policía Nacional de Ferrol denuncia pola desaparición da moza.
A moza ten 17 anos de idade, mide 1,65 metros, ten pelo moreno e ollos verdes. Segundo o cartel difundido por SOS Desaparecidos, a menor leva lentes e vestía a última vez que a viron leggins e chaqueta.
Escribe o teu comentario