En estado de morte cerebral o veciño agredido cunha rozadora na Cañiza

|

Rozadora2


O home que foi agredido este sábado pola mañá na Cañiza (Pontevedra) cunha rozadora atópase en estado de morte cerebral, mentres que a súa filla, que tamén foi atacada co mesmo aparello por un veciño de 51 anos, presenta unha evolución favorable.


Diso deu conta a Europa Press o alcalde da Cañiza, Miguel Domínguez, quen tamén precisou que a filla presenta unha evolución favorable despois de someterse a unha operación na que se lle reconstruíron cara e mans. Tanto o pai como a filla atópanse no Hospital Álvaro Cunqueiro de Vigo, onde foron trasladados con feridas moi graves e graves, respectivamente.


O home que cometeu as dúas agresións foi detido na mañá deste sábado. O suceso produciuse ao redor das 11,30 horas, cando o detido e unha das vítimas iniciaron unha discusión por unha disputa sobre unhas propiedades.


O agresor, de 51 anos de idade e veciño de Vigo, aínda que cunha segunda vivenda na Cañiza, atacou ao home e á súa filla cunha máquina rozadora, provocándolles feridas moi graves na cabeza ao primeiro e graves á muller.


En principio, espérase que o detido pase a disposición xudicial este luns.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress