Rescatado un home que caeu nunha zona rochosa na Coruña
Sucedeu no paseo marítimo da cidade, á altura do cemiterio de San Amaro
Os Bombeiros da Coruña rescataron a última hora deste venres un home que caeu nunha zona rochosa no paseo marítimo da cidade, á altura do cemiterio de San Amaro.
Segundo a información da Central de Atención a Emerxencias 112-Galicia, a alerta recibiuse ás 18,20 horas a través dun particular, que indicou que escoitaba a unha persoa pedindo auxilio no paseo marítimo dos Pelamios.
Ata a zona desprazáronse efectivos de Policía Local, Gardacostas, 061 e Bombeiros, ademais dunha embarcación de Salvamento Marítimo con mergulladores, que auxiliou ao home. Posteriormente, foi estabilizado e subido nunha padiola ata o paseo, onde o esperaba o persoal sanitario para trasladalo a un hospital.
Escribe o teu comentario