O Concello de Lugo retira a simboloxía franquista do Colexio Manuel Mallo Mallo
A retirada da placa súmase á solicitudes para a eliminación de símbolos franquistas de diversos edificios da cidade.
A Concellería de Educación do Concello de Lugo retirou a simboloxía franquista existente no Colexio Manuel Mallo Mallo de Nadela, unha placa situada na fachada do edificio.
O goberno local cumpre deste xeito cun acordo adoptado polo Pleno da Corporación municipal e avanza que "o seu compromiso co cumprimento da Lei de Memoria Histórica, unha norma que cumpre este ano o seu décimo aniversario", apuntou o concelleiro, Manuel Núñez.
Un "fito" no ámbito da memoria histórica, impulsado polo Concello, foi a rehabilitación do 'Vello Cárcere', un espazo de "represión e sufrimento" convertido hoxe "nun lugar aberto, de homenaxe e recuperación da memoria histórica dos alí presos e condenados á morte simplemente polas súas ideas".
A retirada da placa do colexio Manuel Mallo súmase á solicitudes que enviou o Concello a outras administracións para que procedan á eliminación de símbolos franquistas de diversos edificios da cidade.
Escribe o teu comentario