Aviso por altas temperaturas no sur de Galicia desde este venres

Meteogalicia avisa de risco de nivel amarelo por temperaturas que superarán os 34 graos  en Pontevedra e Ourense. 


|

Calorrefrescar


As altas temperaturas superiores aos 34 graos centígrados activarán o risco de nivel amarelo na tarde do venres no sur de Galicia, en parte das provincias de Pontevedra e Ourense.


Así se reflicte no Boletín de tempo meteorolóxico publicado por Meteogalicia, recollido por Europa Press, no que se sinala que a chegada dunha masa de aire cálido procedente do norte de África deixará "elevadas temperaturas" no sur da comunidade, mentres que o anticiclón provocará fortes ventos do nordés no litoral noroeste da Coruña.


Deste xeito, entre as 15,00 horas e as 21,00 horas deste venres o aviso será amarelo por temperaturas superiores aos 34 graos nas zonas do Miño e litoral de Pontevedra e no área do Miño en Ourense e na comarca ourensá de Valdeorras.


PRIMEIRO ONDA DE CALOR DE 2017


Aínda que a Galicia non lle afectará, a nivel España teremos a primeiro onda de calor de 2017. Comezará este xoves no cadrante suroeste peninsular e durará, polo menos, ata o domingo, despois de varios días con "episodio de altas temperaturas" en boa parte da Península, segundo a Axencia Estatal de Meteoroloxía (AEMET).


A AEMET explica que as condicións meteorolóxicas están marcadas por unha "intensa insolación" que favorece o requecemento da masa de aire que está situada e estacionada sobre o interior da Península.


O portavoz da AEMET, Rubén do Campo, confirmou a Europa Press que esta é "a primeira onda de calor" e que sobre todo afectará ao cadrante suroeste o que "non quere dicir que o resto se libre da calor" porque as temperaturas serán "altas en case todo o país".


Tamén sinalou que a primeiro onda de calor de 2016 rexistrouse entre finais de xuño e principios de xullo, case medio mes máis tarde.

relacionada A Xunta activa un plan para facer fronte ás ondas de calor
relacionada As temperaturas en Ourense e Pontevedra superarán os 30º esta semana

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE