Máis de 80.000 peregrinos visitaron Santiago no que vai de 2017

|

Caminoperegrinos

Un total de 81.490 peregrinos chegaron a Santiago de Compostela no que vai de 2017, o que supón un incremento dun 13,3% con respecto ao mesmo período do pasado ano.


Diso informou a Xunta a través dun comunicado emitido este domingo no que subliña que "máis dun 65% dos peregrinos recibidos ata o momento foron estranxeiros".


Así, a tendencia á alza na afluencia de peregrinos dos últimos anos mantense nos cinco primeiros meses de 2017. Por itinerarios, o Camiño Francés continúa á cabeza no número de peregrinos recibidos, con preto do 61% do total.


Tras esta ruta sitúase o Camiño Portugués (21,37%), seguido polo do Norte (4,26%), o Primitivo (3,83%), a Vía da Prata (3,53%), o Inglés (3,41%) e o Camiño Portugués pola Costa (2,09%).


CENTROS DE INTERPRETACIÓN


Os centros de interpretación do Camiño de Santiago recibiron ao redor de 14.000 visitantes no que vai de ano 2017, segundo informou o Executivo autonómico este domingo.


Así, as oficinas situadas en diferentes puntos das rutas xacobeas nos concellos de Lugo, Mondoñedo, O Cebreiro e Santiago atenderon a 13.857 persoas en total, das que o 66% foron nacionais e o restante 44%, foráneos.


O punto de información situado no Cebreiro --na entrada do Camiño Francés-- foi o que maior número de persoas atendeu ao longo dos cinco primeiros meses do ano, período no que atendeu a unhas 6.500 persoas.


Estes centros ofrecen ao peregrino apoio, información e contidos complementarios para axudarlle a comprender e coñecer desde diversas ópticas o Camiño de Santiago, en xeral, e a ruta concreta na que se atopa en particular.

relacionada A Xunta quere que Galicia sexa "un destino tranquilo" e non un lugar onde "tostarse ao sol"
relacionada Expertos impulsan un decálogo para "equilibrar" a incidencia do turismo no patrimonio

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress