O PP sospeita da praza obtida pola parella dun ex alto cargo da Deputación de Lugo

O PP de Lugo mostrou este xoves a súa "sorpresa" polo feito de que "a parella sentimental" do ex xefe de protocolo da Deputación de Lugo, "un dos principais investigados na Operación Pulpo", obtivese unha praza na institución provincial.

Como detallou o PP a través dun comunicado, superou o proceso para a selección dun técnico en turismo entre unha lista de oito admitidos tras a exclusión de 24.

A "sospeita" dos populares é --segundo as súas propias palabras-- que a selección "poida non ser a adecuada ou estar viciada", máxime tras coñecer unha sentenza que obriga á Deputación de Lugo a repetir o proceso para dotarse dun técnico en medio ambiente.