Un choque entre dous camións en Punxín sáldase cun falecido
Os feitos producíronse no quilómetro 80 da vía, en dirección Santiago.
Unha colisión entre dous camións que tivo lugar este mércores saldouse cun falecido. O accidente tivo lugar na AG-53, ao seu paso polo concello ourensán de Punxín.
En concreto, os feitos producíronse no quilómetro 80 da vía, en dirección Santiago, segundo informou o 112.
O corpo da vítima quedou atrapado na cabina do seu camión. Foi excarcerado por un equipo dos Bombeiros do Carballiño. Segundo indicóuselle ao 112, o outro camioneiro resultou ileso.
Varias persoas chamaron ao 112 Galicia para dar a voz de alarma. A primeira delas fíxoo ás 16,30 horas desta tarde.
O persoal da central de emerxencias do 112 alertou ao 061, que decidiu mobilizar o helicóptero medicalizado con base en Santiago. Tamén se informou desde o 112 aos Bombeiros do Carballiño e á Garda Civil de Tráfico.
Falece unha persoa e outras dúas resultan feridas graves nunha colisión frontal no Corgo
Escribe o teu comentario