Aspas reivindica os seus "méritos" para ter un posto na selección
O de Moaña recoñece que "non é fácil ter a confianza do míster" e trata de aproveitar porque "nunca sabes se vas volver".
Iago Aspas busca o seu oco na selección nacional, onde trata de convencer a Lopetegui de que é unha alternativa válida para o combinado. Desa forma encara a concentración da 'Roja' para estes dous encontros que este mércores os enfronta a Colombia e o oficial fronte a Macedonia.
O xogador celeste asegurou que fixo "méritos" durante a pasada tempada "para ter oportunidades" no combinado nacional, algo que tentará "demostrarlle ao míster". O de Moaña recoñeceu en declaracións a BeIN SPORTS que "non é fácil obter a confianza do míster cando hai moitísimos compañeiros que o veñen facendo moi ben, pero tiven a ocasión de vir anteriormente, xa me coñece, e iso é un punto ao meu favor".
Por iso, ten na cabeza que "nunca sabes se vas volver. Estar aquí é un luxo para calquera xogador". O mesmo opina da Europa League, obxectivo que se marca para a próxima tempada. "É indispensable para nós, e chegar o máis lonxe posible na Copa", insistiu Iago Aspas, que descarta novas aventuras lonxe de Vigo.
Escribe o teu comentario