Santiago, "no punto de mira do terrorismo" e sen policías suficientes

|

Uippolicia


A Confederación Española de Policía (CEP) solicita Unidade de Intervención Policial (UIP) en Santiago de Compostela por contar cun "punto estratéxico" de peregrinaxe, tras o ataque rexistrado o martes na contorna de Notre Dame en París.


"Solicitamos en diversas ocasións que se destine a UIP a esta cidade, a última o día 1 de xuño, por ser esta cidade e, en concreto a Catedral de Santiago de Compostela, un punto estratéxico, xa que é un dos centros de peregrinaxe máis importantes do mundo occidental, feito polo cal está no punto de mira do terrorismo yihadista", segundo esgrime a CEP.


Así, sinala que España segue "en Nivel IV de Alerta Antiterrorista", polo que a CEP considera que "que a VIII UIP debe de estar, do mesmo xeito que ocorre en Francia coa Catedral de Notre Dame, permanentemente nesta cidade (Santiago)".


"Se ocorrese algo parecido a día de hoxe, non teriamos capacidade de resposta inmediata, como pasou no caso francés, xa que a Comisaría de Santiago presenta un déficit de policías moi importante a día de hoxe", segundo lamenta a Confederación Española de Policía.


Deste xeito, o secretario rexional de CEP, Fernando Patiño, defende que se dote de UIP a Santiago "polo menos todo o período estival para evitar disturbios".


Respecto diso lembra, así mesmo, "os acontecementos acaecidos estes días durante e despois do desaloxo de okupas en Santiago, onde por parte deste colectivo se convocaron diversos actos e manifestacións en contra do desaloxo e da propia Policía".


MEDIOS NECESARIOS


Segundo engade, ese feito "pode poñer en perigo a seguridade cidadá, debido á violencia de guerrilla urbana kale borroka que este grupo exerce, un tipo de violencia organizada, no que á parte dos servizos de información, son especialistas os nosos compañeiros da UIP".


"Como secretario rexional de CEP seguirei solicitando que se comisione esta Unidade a Santiago de Compostela e que se dote á mesma dos medios necesarios para realizar o seu traballo, xa que a día de hoxe os medios aínda son moi escasos", concluíu Fernando Patiño.

relacionada A Policía deixa chamadas sen atender na Coruña por carencia de persoal
relacionada Policías denuncian que "hai días" en que dispoñen de só "un coche patrulla" en todo Lugo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress